കൊച്ചി: ഫിഫ വേള്ഡ് കപ്പ് 2026നോടനുബന്ധിച്ച് കോമണ് ഗ്രൗണ്ട് ഫിഫ വേള്ഡ് കപ്പ് 2026 അന്താരാഷ്ട്ര പോസ്റ്റര് അവാര്ഡുകള്ക്കായി ലബോറട്ടറി ഓഫ് വിഷ്വല് ആര്ട്ട് കമ്യൂണ് എന്ട്രികള് ക്ഷണിച്ചു.
മൊത്തം 101 പോസ്റ്ററുകളാണ് പ്രദര്ശനത്തിനായി തെരഞ്ഞെടുക്കുക. ഇതിൽ നിന്നും ജൂറി തെരഞ്ഞെടുക്കുന്ന മൂന്ന് പേര്ക്ക് യഥാക്രമം 10 ലക്ഷം, അഞ്ച് ലക്ഷം, രണ്ടര ലക്ഷം രൂപയുടെ അവാര്ഡുകള് ലഭിക്കും. 17 വയസിൽ കൂടുതൽ പ്രായമുള്ളവർക്ക് എന്ട്രികള് സമര്പ്പിക്കാം.
പെയിന്റിംഗ്, ഡ്രോയിംഗ്, കൊളാഷ്, ഫോട്ടോഗ്രഫി, പ്രിന്റ് മേക്കിംഗ്, ടെക്സ്റ്റൈല് അടിസ്ഥാനമാക്കിയ സൃഷ്ടികള്, മിക്സ്ഡ് മീഡിയ, ഡിജിറ്റല് ഫോര്മാറ്റുകള് എന്നിവ ഉള്പ്പെടെ ഏത് ദ്വിമാന മാധ്യമത്തിലും സൃഷ്ടികള് തയാറാക്കാം.
ജൂലൈ ആറാണ് പോസ്റ്ററുകള് സമര്പ്പിക്കേണ്ട അവസാന തീയതി. ഡിജിറ്റല് ഫയലുകള് [email protected] എന്ന വിലാസത്തില് മെയില് വഴി സമര്പ്പിക്കാം. ജൂലൈ 13ന് വിജയികളെ പ്രഖ്യാപിക്കും.
Deepika
E-paper LOGIN
LOGIN
